Ushirika wa askari na watumishi wa Jeshi la Polisi, unaomilikiwa na wanachama wake
URA SACCOS LTD umesajiliwa Tanzania kwa madhumuni ya kuwawezesha askari na watumishi wa Jeshi la Polisi Tanzania kupitia akiba na mikopo nafuu.
Jinsi ushirika unavyofanya kazi
Wanachama huweka akiba kila mwezi moja kwa moja kutoka kwenye mshahara, hununua hisa za ushirika, na hupata mikopo inayolingana na akiba zao: mkopo wa biashara hadi mara tatu ya akiba, mkopo wa dharura, na mkopo wa mshahara unaorejeshwa kupitia makato ya mshahara.
Ziada ya ushirika hairudi kwa wawekezaji wa nje. Inagawanywa kwa wanachama kama gawio la hisa, kwa uamuzi wa Mkutano Mkuu wa mwaka.
Historia yetu
URA SACCOS LTD ni ushirika wa kuweka akiba na kukopa ulioanzishwa ndani ya Jeshi la Polisi Tanzania kwa ajili ya watumishi wake pamoja na familia zao. Wazo la kuuanzisha lilitolewa na aliyekuwa Mkuu wa Jeshi la Polisi, IGP mstaafu Said Ally Mwema, kwa kushirikiana na Bodi ya mpito iliyosajili chama na kutafuta wanachama waanzilishi.
Ushirika ulisajiliwa tarehe 6 Septemba 2006, na kuzinduliwa rasmi tarehe 9 Septemba 2006 na Rais wa awamu ya nne wa Jamhuri ya Muungano wa Tanzania, Mhe. Dkt. Jakaya Mrisho Kikwete, katika ukumbi wa Diamond Jubilee, Dar es Salaam. Mlezi wa chama ni Mkuu wa Jeshi la Polisi Tanzania.
- Ilisajiliwa
- 6 Septemba 2006
- Namba ya usajili
- PRI-DAR-DAR-CC-2022-471
- Leseni ya huduma ndogo za fedha
- MSP3-TCDC-2022-00029
- Mlezi
- Mkuu wa Jeshi la Polisi Tanzania
Dira
Kuwa asasi kubwa ya huduma za kifedha iliyo endelevu, yenye mtandao wa kifedha na uwezo mkubwa wa kuboresha ustawi wa kiuchumi na kijamii wa watumishi wa Jeshi la Polisi Tanzania na familia zao.
Dhamira
Kutoa huduma bora za kifedha kwa masharti nafuu yanayokidhi mahitaji ya wanachama na wateja.
Madhumuni
Kuinua, kustawisha na kuboresha hali ya wanachama katika mahitaji yao ya kiuchumi na kijamii, kwa kufuata taratibu za kidemokrasia na misingi, kanuni na sheria za vyama vya ushirika.
Sheria na kanuni zinazotuongoza
- Sheria ya Vyama vya Ushirika Na. 6 ya mwaka 2013
- Kanuni za Vyama vya Ushirika za mwaka 2015
- Sheria ya Huduma Ndogo za Fedha ya mwaka 2018
- Kanuni za Huduma Ndogo za Fedha za mwaka 2019
- Masharti ya Chama (katiba ya URA SACCOS LTD)
- Kanuni za Kudumu za Jeshi la Polisi (PGO 112, aya ya 3)
Uongozi wetu
Bodi na kamati ya usimamizi huchaguliwa na wanachama; menejimenti huendesha shughuli za kila siku.
Uongozi woteCP Tatu Rashid Jumbe
Mwenyekiti wa Bodi
CP Faustine Costantine Shilogile
Makamu Mwenyekiti wa Bodi
DCP David Alphonce Misime
Mjumbe
SACP Edah Jastine Mkisi
Mjumbe