Nane Nane 2026: Makamu wa Rais na Waziri wa Kilimo watembelea banda la URA SACCOS

Katika Maonesho ya Nane Nane 2026 yaliyofanyika kwenye viwanja vya John Samuel Malecela, Nzuguni, jijini Dodoma, URA SACCOS Ltd iliwakaribisha Watanzania wote kwenye banda lake katika Kijiji cha Ushirika. Mwaka huu chama kinatimiza miaka 20 ya mafanikio tangu kuanzishwa, kikiwawezesha wanachama kulinda uchumi wao na kustawisha familia zao.

Tarehe 3 Agosti banda lilitembelewa na Makamu wa Rais wa Jamhuri ya Muungano wa Tanzania, Mhe. Balozi Dkt. Emmanuel John Nchimbi. Tarehe 7 Agosti 2026 Waziri wa Kilimo, Mhe. Daniel Chongolo, alitembelea banda na kupongeza juhudi za dhati zinazofanywa na chama kwa wanachama wake na Watanzania kwa ujumla.

Mhe. Chongolo alipongeza hasa ukuaji wa kila mwaka wa rasilimali za chama, ambazo kwa hesabu za mwisho zilizokaguliwa zinafikia TZS 201.8 bilioni.

Watendaji wa URA SACCOS waliendelea kuwakarimu wageni na wanachama waliofika kujifunza na kubadilishana uzoefu kwenye tasnia ya soko la fedha na uwekezaji, chini ya kaulimbiu "Tambua Soko, Ongeza Tija Kutekeleza Dira 2050".